[Hamahama – waiata]

Anei tō tātou whāinga i tēnei ata. Titiro. E ako ana mātou

i ngā tikanga o te tuhituhi, arā, te uwhi o mua,

te uwhi o muri, te tapanga, te taitara rānei,

te tuara o te pukapuka. Kei te pai tērā? Āe.

Ki ahau nei, he pai ngā mea … ngā pukapuka rahi.

Kia māmā te kite mō ngā tamariki i te āhuatanga

o te tuhituhi, ā, te ātaahua hoki o ngā pikitia.

Me te mea nei, ā, ngā pukapuka ngākaunui ki a rātou.

Kua rite tātou ki te pānui i tēnei pukapuka? Kāo. Huri te pukapuka.

Nē, me huri a Whaea Lisa i te pukapuka?

Āe. Haere anō.

Kua rite a Whaea Lisa ki te pānui te pukapuka i tēnei wā?

Kāo. He aha Charlie? He aha te raru?

Mō ngā pīpī paopao, ko te whāinga ki a au ngā momo āhuatanga

o te pukapuka. Te uwhi o mua, te uwhi o muri.

Me tīmata anō a Whaea Lisa? Āe. Me huri te pukapuka? Āe!

Ara! Kua tīmata a Whaea Lisa ki te pānui... Huri anō!

Nē, i huri a Whaea Lisa i te pukapuka.

Nē. Me huri anō?

Āe. Nē.

Ka āta titiro ki ngā ira kati, ngā tohu kōrero pērā i

te ira kati, ngā tohu pātai, ērā momo.

Ka tīmata tātou ki whea …

ērā momo āhuatanga e pā ana ki te pānui.

Pēhea koe ka mōhio ko tērā te tapanga?

Nō te mea i tīmata i te …. ‘t’.

I te ‘t’? Āe. He tohu anō

kia mōhio ai koe he tapanga tēnei?

Kāo. Te āhua nei he tino n … nui.

Tino nui te tuhituhi, nē rā. Āe.

Te Taniwha me te Poraka.

Me tīmata a Whaea Lisa ki te pānui i whea?

Tū mai tō ringa mehemea ka mōhio, tohu atu.

Tohua, ka tīmata a Whaea Lisa ki te pānui ki whea?

I tēnei wā ka ū tonu ahau ki te pukapuka, engari,

ka mōhio au ka aro ētahi ki te rotarota, ngā waiata …

Mehemea e hāngai ana ērā, ngā waiata ki te kaupapa

matua, he kaha mātou ki te … ki te āta titiro

ki ngā waiata e hāngai ana ki tō tātou rohe,

ērā momo. Ka āta titiro ki ngā kupu kaumātua pea

ka puta mai i roto i ngā pepeha, ngā whakataukī.

Nā wai i kī “uaka!”? Ko te poraka.

Nē. Titiro ki te āhua o te taniwha.

Kei te pōuri ia? Te taniwha?

Nē? Kei te mataku ia i te aha? Te poraka.

Nē … Kia tūpato Taniwha. Kei muri te poraka i a koe.

Kia tere te kauhoe atu! Ka pai.

He maha ngā mahi mō te kaiako hei whakarite mō te pānui tahi.

I te nuinga o te wā ka whakaritea he rauemi.

Mehemea e hiahia ana kia ātaahua mai ngā rauemi,

ka kapi mā te pukapuka ka whakapiri ki tētahi kāri

kia pai ake. Kia taea e ngā tamariki

te mahi anō i roto i tō rātou ake wā.

E tū harakeke...

Kua rite tātou?

Kei te mau tō kanohi poraka? Āe.

Kia tūpato Poraka kei muri te Taniwha

i te harakeke. E peke, kia tere!

E kaha ana ahau ki te kimi i te pukapuka

kia ngākaunui ki te tamariki.

Mehemea he ngākaunui te pukapuka ki a rātou

he māmā noa iho ki a rātou te whakautu pātai ki a koe.

He maha ngā pukapuka pērā, i nāianei i te kura.

Ki taku nei titiro, he tino pai ki a rātou ngā tamariki

ki te rāwekeweke i ngā rauemi kia kore ai

e maroke te mahi … kia kore e tuhituhi anake te mahi …

ka taea e rātou te raweke hoki i ngā mahi hei āwhina

i a rātou ki te oti pai te whāinga o te mahi.

Ki ahau nei he tino pai ngā mahi whakaari ki a rātou,

ngā tamariki. He tino whetū amorangi rātou.

[Hamahama – waiata]